قوس تاراپ ەل تۇرعىندارىنىڭ ىڭعايلى ءارى كەشەندى قىزمەتتەرگە دەگەن سۇرانىسىن قاناعاتتاندىراتىن تسيفرلىق ونىمدەردى بىرلەسە ازىرلەۋگە نيەتتى. بۇگىندە تەلەكوم وپەراتورلارى تەك بايلانىس جەتكىزۋمەن شەكتەلمەي, قىزمەت كورسەتۋ شەكاراسىن كەڭەيتىپ كەلەدى. بۇكىل الەمدە ءورىس العان بۇل ۇدەرىس جاڭا ستاندارتتار قالىپتاستىرۋدا. Kcell مەن Aitu اراسىنداعى سەرىكتەستىك وسى باعىتتاعى العاشقى قادامداردىڭ ءبىرى.
«مۇنداي ۇلتتىق جوبالار ەلىمىزدىڭ تسيفرلىق تاۋەلسىزدىگىمەن تىكەلەي بايلانىستى. ولار تەحنولوگيالاردىڭ دامۋىنا ۇلەس قوسادى. سوندىقتان, ءبىز ءاربىر قازاقستاندىقتىڭ قولداۋىنا قۋانىشتى بولار ەدىك. قازاقستاندا پايدا بولىپ, ارى قاراي دامىپ بارا جاتقان وپەراتور «Kcell» اق-مەن سەرىكتەستىك وتاندىق تەلەكوممۋنيكاتسيا ونىمدەرىن جانە تەلەكوممۋنيكاتسيا نارىعىن دامىتۋعا تاعى ءبىر قادام دەپ ايتۋىمىزعا بولادى», - دەيدى «BTS Digital» جشس باس ديرەكتورى نۇرتاي ابيلگاليەۆ.
Aitu-دىڭ ءداستۇرلى مەسسەندجەرلەردەن باستى ايىرماشىلىعى – بۇل جاي عانا بايلانىسقا ارنالعان قوسىمشا ەمەس, وتانداستارىمىز ءۇشىن ەلىمىزدە جاسالعان تولىققاندى ۇلتتىق SuperApp قولدانباسى. مۇندا كۇندەلىكتى ماڭىزدى فۋنكتسيالار ءبىر الاڭدا جيناقتالعان. ول ارقىلى ءسىز دوستارىڭىزعا حات جازۋ, قوڭىراۋ شالۋ, اقشا اۋدارۋ, كينو بيلەتىن ساتىپ الۋ, مۋزىكا تىڭداۋ, سوڭعى جاڭالىقتارمەن تانىسۋ, قىزىقتى ارنالارعا جازىلۋ, قاجەت اقپاراتىڭىزدى تابۋ, ءماتىن اۋدارۋ, جوسپارلى ىستەر ءتىزىمىن جاساۋ سەكىلدى بىرنەشە قىزمەتتى پايدالانا الاسىز. اسا قاجەت جۇيەلەردى بىرىكتىرگەن الاڭدا دەرەكتەردى قورعاۋعا ەرەكشە نازار اۋدارىلعان.
«قازاقستاندىق بايلانىس وپەراتورىنىڭ تاجىريبەسى مەن ۇلتتىق تسيفرلىق پلاتفورمانى بىرىكتىرە وتىرىپ, كومپانيالار وزدەرىنىڭ قولدانىستاعى ەكوجۇيەلەرىنىڭ قيسىندى جالعاسى بولاتىن جاڭا جەرگىلىكتى ءونىم قۇرۋ مۇمكىندىگىن اشتى. ۇيالى بايلانىس وپەراتورىنىڭ ابونەنتتەرى ءۇشىن بۇل بايلانىس پەن تسيفرلىق قىزمەتتەردى ودان دا ىڭعايلى پايدالانۋدى, ال Aitu پايدالانۋشىلارى ءۇشىن ۇيالى بايلانىس مۇمكىندىكتەرىمەن بىرىكتىرىلگەن قولجەتىمدى شەشىمدەر اۋقىمىن كەڭەيتۋدىڭ ارتىقشىلىعى مول», - دەيدى «كسەلل» اق باس اتقارۋشى ديرەكتورى جانە باسقارما توراعاسى اسقار جامباكين.
كومپانيالار اراسىنداعى سەرىكتەستىك مەملەكەتتىڭ تسيفرلىق ەكونوميكاسىن دامىتۋداعى ماڭىزدى قادام بولماق. مۇندا زاماناۋي قىزمەتتەر تەك تەحنولوگيالىق تۇرعىدان جەتىلدىرۋمەن شەكتەلمەي, ازاماتتاردىڭ قاجەتتىلىكتەرىنە بارىنشا بەيىمدەلەدى.
بۇگىندە حالىقتىڭ باسىم كوپشىلىگى WhatsApp, Telegram, Messenger سەكىلدى شەتەلدىك پلاتفورمالاردى تۇتىنادى. الايدا بۇل سەرۆيستەردىڭ بارلىعى شەتەلدىك سەرۆەرلەردە ورنالاسقاندىقتان, جەكە جانە مەملەكەتتىك دەڭگەيدەگى مالىمەتتەردىڭ سىرت ەلدەرگە كەتۋ قاۋپى جوعارى. وسى رەتتە وتاندىق مەسسەندجەرلەردى دامىتۋدىڭ ارتىقشىلىعى مول.
الماتى
